ამბები

ქობულეთში, საფეხბურთო მატჩზე დაპირისპირებისას თბილისის „დინამოს“ 4 გულშემატკივარი დააკავეს

by | Apr 2, 2016
dinamo

თბილისის “დინამოს” ოთხი გულშემატკივარი დააკავეს (IPN)

თბილისის „დინამოსა“ და ბათუმის „დინამოს“ შეხვედრის დროს მომხდარი დაპირისპირების გამო ოთხი კაცია დაკავებული.  DFWatch-ის ინფორმაციით,  ოთხივე დაკავებული თბილისის „დინამოს“ გულშემატკივარია. 

შსს-ში DFWatch-ს ეს ინფორმაცია არც დაუდატურეს და არც უარყვეს. განუცხადეს მხოლოდ ის, რომ  გულშემატკივართა დაკავება ადმინისტრაციული წესით მოხდა, რაც წვრილმან ხულიგნობას და პოლიციისადმი დაუმორჩილებლობას გულისხმობს.

პრესამსახურის ცნობით, წვრილმანი ხულიგნობა ითვალისწინებს 100-ლარიან ჯარიმას ან 15 დღემდე ადმინისტრაციულ პატიმრობას, ხოლო პოლიციელისადმი დაუმორჩილებლობა 250-დან 2000 ლარამდე დაჯარიმებას ან 15 დღემდე ადმინისტრაციულ პატიმრობას.

შსს-ს ცნობით, გულშემატკივრებმა ერთმანეთს მხოლოდ სიტყვიერი შეურაცხყოფა  მიაყენეს, შესაბამისად ინციდენტის შედეგად არავინ დაშავებულა. მათივე ცნობით, სტადიონზე სკამებია დამტვრეული.

თუმცა „ინტერპრესნიუსის“ ცნობით, იყო ხელჩართული ჩხუბიც, რომელიც მატჩის ბოლო წუთებზე დაიწყო და სტადიონს გარეთაც გაგრძელდა. ფიზიკურის დაპირისპირება დასტურდება გავრცელებული ვიდეოკადრებითაც.

სტადიონზე დაპირისპირების შესახებ კადრები გაავრცელა საზოგადოებრივი მაუწყებლის პირველმა არხმა, ქობულეთის ქუჩაში ჩხუბზე კი „პალიტრა მედიამ“.

გულშემატკივრები ერთმანეთს ქობულეთში, თბილისის „დინამოსა“ და ბათუმის „დინამოს“ შეხვედრაზე დაუპირისპირდნენ.

საფეხბურთო მატჩი თბილისის „დინამოს“ 2:1 ანგარიშით გამარჯვებით დასრულდა.



ads
ads
ads

No Comments, Leave a comment

You must be logged in to post a comment.

ძიება თარიღის მიხედვით

October 2016
M T W T F S S
« Sep    
 12
3456789
10111213141516
17181920212223
24252627282930
31