ეროვნულ ბანკს ზედამხედველობის ფუნქციას ჩამოართმევენ
მსოფლიო ბანკის სამხრეთ კავკასიის რეგიონული დირექტორი ჰენრი კერალი მიიჩნევს, რომ თუკი კანონში ცვლილება მაინც შევა და საბანკო ზედამხედველობის ფუნქცია ახალი სამსახურის ხელში გადავა, აუცილებელია მისი დამოუკიდებლობის უზრუნველყოფა. პარლამენტმა პრეზიდენტის, ოპოზიციის, არასამთავრობო ორგანიზაციების დიდი ნაწილის წინააღმდეგობის და საერთაშორისო ფინანსური ინსტიტუტების გაფრთხილების მიუხედავად ეროვნული ბანკის შესახებ ცვლილება, რომელიც მისთვის საზედამხედველო ფუნქციის ჩამოშორებას ითვალისწინებს, პირველი მოსმენით მიიღო. რაც იმას ნიშნავს, რომ დიდი ალბათობით, არც საბოლოო დამტკიცებისთვის შეიქმნება პრობლემა. […]