ჩაღლარის საგანმანათლებლო დაწესებულებები, რომლებსაც ხშირად უკავშირებენ ამერიკაში მცხოვრები თურქი სასულიერო მოღვაწის, ფეთჰულა გიულენის სახელს, ცილისწამებას უწოდებენ ბოლო დღეებში მათ მიმართ გაკეთებულ განცხადებებს.
რუსეთის ავიაციამ სირიაში ის ავიაბაზა დაბომბა, რომელსაც ამერიკელი და ბრიტანელი სპეცდანიშნულების ნაწილები იყენებდნენ. ავიაიერიში 16 ივნისს განხორციელდა, თუმცა ამის შესახებ ინფორმაცია ამერიკულ პრესაში ახლახან გავრცელდა.
8 ოქტომბრის საპარლამენტო არჩევნებისათვის კონსერვატიულ ფლანგზე შექმნილი ოპოზიციური კოალიცია, რომელიც ანტიდასავლური განწყობით ცნობილ პარტია „საქართველოს პატრიოტთა ალიანსის“ ირგვლივაა გაერთიანებული და 6 არასაპარლამენტო პოლიტიკური ძალისგან შედგება, ბლოკის გაფართოებას გეგმავს.
თურქეთის ქალაქ მარმარისში პოლიციელის მკვლელობის ბრალდებით საქართველოს ხუთი მოქალაქე დააკავეს. DFWatch-ის ინფორმაციით, ერთ-ერთი დაკავებული საქართველოშიც იძებნებოდა, თუმცა ამის შესახებ ოფიციალური ინფორმაციის მიღება ვერ ხერხდება.
დაპატიმრებული, სამსახურიდან დათხოვნილი ან სტატუსშეჩერებული ძალოვნების, საჯარო მოხელეებისა და საბიუჯეტო ორგანიზაციების პერსონალის რიცხვმა თურქეთის არშემდგარი სახელმწიფო გადატრიალების შემდეგ 60 ათასს მნიშვნელოვნად გადააჭარბა. ამის შესახებ ინფორმაციას RFE/RL (რადიო „თავისუფლების“ ევროპული ბიურო) სააგენტო „ანადოლუს“ მონაცემებზე დაყრდნობით ავრცელებს.
თბილისის სასამართლოებში სამოქალაქო დავების განხილვას ადამიანები წლობით ელოდებიან, თუმცა იმ მიზეზით, რომ ამ მიმართულებით თბილისში დღეს მხოლოდ 28 მოსამართლეა და თითოეულს 800-მდე საქმე აწერია, პლუს იმის გამო, რომ სამოქალაქო დავებისთვის განკუთვნილი დარბაზები ძალიან ცოტაა, დავის დასრულებას ბოლო არ უჩანს.
„ნაციონალურმა მოძრაობამ“ საარჩევნო პროგრამის საგარეო პრიორიტეტების პრეზენტაცია სამშაბათს, 19 ივლისს გამართა და ერთ–ერთ უმთავრეს საკითხად ევროკავშირსა და ნატო–ში ინტეგრაცია დაასახელა და ითქვა ისიც, რომ ხელისუფლებაში მოსვლის შემთხვევაში, უახლოეს წლებში, ევროკავშირის წევრობაზე განაცხადს გააკეთებენ.
სინოპტიკოსების პროგნოზით, საქართველოში ტემპერატურამ შესაძლოა, 38-39 გრადუსამდე მოიმატოს.
ამავე დროს,
ფილოსოფოსმა ზაზა ფირალიშვილმა, რომელიც “თავისუფალ დემოკრატებში” რამდენიმე თვის წინ, მარტში გაწევრიანდა, პარტია დატოვა. მიზეზად კი დაასახელა ის, რომ პოლიტიკაში თავს არაკომფორტულად გრძნობდა. პარტიის იდეოლოგიასთან ან რომელიმე წევრთან კონფლიქტს კი გადაჭრით უარყოფს.
კანონპროექტები, რომელიც თამბაქოს კონტროლის გამკაცრებას გულისხმობდა, ჩავარდა. ამის მიზეზი კი მთავრობის წინააღმდეგობა გახდა, რადგან მათი აზრით, კანონში ამ ცვლილებებით ბიზნესი დაიჩაგრებოდა. ამის შესახებ, DFWatch-ს დაავადებათა კონტროლის არაგადამდებ დაავადებათა დეპარტამენტის უფროსმა ლელა სტურუამ უთხრა.