ბათუმში, ე.წ. ბენზეს დასახლებაში, საოჯახო ტიპის სასტუმროს ეზოში მდებარე აუზში ოთხშაბათს დილით 11 საათზე 3 წლის გოგონა ჩავარდა, მის დასახმარებლად კი აუზში მამა და 22 წლის მამაკაცი ჩავიდნენ, რა დროსაც სამივე მათგანს დენმა დაარტყა.
უამინდობა, პატრულთან ურთიერთობა და ინფრასტრუქტურა – ეს არის ის ძირითადი პრობლემები, რაც აჭარაში ჩასულ ტურისტებს ყველაზე ხშირად აწუხებს. ამის შესახებ, აჭარის ტურიზმის დეპარტამენტის მიერ გამოქვეყნებულ უცხოელ ვიზიტორთა კვლევის მესამე ეტაპის (2016 წლის იანვარ-მარტი) შედეგებშია საუბარი.
ბათუმში წვიმამ გადაიღო და შტორმის დონემ საგრძნობლად დაიკლო, თუმცა სანაპიროებზე წითელი ალმები შენარჩუნდა, რაც იმას ნიშნავს, რომ კვირის 4–ბალიანი შტორმის შემდეგ ზღვაზე ბანაობა ორშაბათსაც აკრძალულია.
ერთ ფინჯან ჩაიში გადახდილი 500 ლარიანი ჩეკის ფოტო, რომელიც სოციალურ ქსელში მოქალაქე ნათია ჯანჯღავამ გაავრცელა, კვლავ განხილვის თემაა. საუბარია ბათუმში, აეროპორტის გზატკეცილზე მდებარე დისკო კლუბზე „დუბაი“, სადაც საქართველოში დასასვენებლად მყოფ არაბ ბიზნესმენს, როგორც თავად ამბობს, ფინჯან ჩაიში 500 ლარი იძულებით, მუქარით გადაახდევინეს.
ბათუმში 5-8 ივნისისთვის, როცა პროექტ checkingeorgia-ს ფარგლებში პოპულარული ჯგუფ Maroon 5-ის კონცერტია დაგეგმილი, სასტუმროების ფაქტობრივად ყველა ნომერი უკვე დაჯავშნულია.
