პარასკევს რიო-დე-ჟანეიროში ზაფხულის 31-ე ოლიმპიური თამაშების გახსნის ცერემონიალი გამართება. ამავე დროს, რიოს ოლიმპიურ სოფელში საქართველოს სახელმწიფო დროშა სამშაბათს, 2 აგვისტოს უკვე აღიმართა. რაც შეეხება გახსნის ცერემონიალს, ქართული დელეგაციის მედროშე ძიუდოისტი, 81 კილომდე წონით კატეგორიაში მსოფლიო რეიტინგის ლიდერი და რიოს ოლიმპიადის ერთ-ერთი ფავორიტი ავთანდილ ჭრიკიშვილი იყო.
„სახალხო მოძრაობა სოციალისტური საქართველოს“ თელავის რაიონული ორგანიზაციის დამფუძნებელი ყრილობა, რომელიც ხუთშაბათს, 4 აგვისტოს (გეორგიევსკის ტრაქტატის ხელმოწერის დღეს) უნდა გამართულიყო, ჩაიშალა. მოძრაობის ერთი წარმომადგენელი კი რომელმაც მოქალაქეს სილა გაარტყა, პოლიციამ დააკავა.
წალკაში ორ ოჯახს შორის მომხდარი დაპირისპირების შედეგად 23 წლის ახალგაზრდა დაიღუპა, 54 წლის კაცი კი დაიჭრა. შეტაკებაში მონაწილე ორი პირი – ანდრიკ თამარიანი და ჰაიკ მელტონიანი – უკვე დაკავებულია. ამის შესახებ ინფორმაციას შს სამინისტრო ავრცელებს. მათივე ცნობით, დაპირისპირება პირადი კონფლიქტის, ურთიერთშელაპარაკების ნიადაგზე წარმოიშვა.
მოძრაობა „სოციალისტური საქართველოს“ მიერ ხუთშაბათს თელავში დაგეგმილ ყრილობასთან დაკავშირებით სახელმწიფო უსაფრთხოების სამსახურმა (სუს-ი) შს სამინისტროს ოთხშაბათს, 3 აგვისტოს, სპეციალური განცხადებით მიმართა, რომ არ დაეშვა ორგანიზაციის მხრიდან კომუნისტური ტოტალიტარული სიმბოლიკის გამოყენება, რაც საქართველოს კანონმდებლობით („თავისუფალი ქარტია“ ) ადმინისტრაციულ სამართალდარღვევად ითვლება.
რუსეთის მიმართ ლოიალურად განწყობილი პოლიტიკოსი, „დემოკრატიული მოძრაობის“ ლიდერი, პარლამენტის ყოფილი თავმჯდომარე ნინო ბურჯანაძე უკრაინაში პერსონა ნონ-გრატად გამოცხადდა, ამის შესახებ ინფორმაციას აზერბაიჯანული ვებსაიტი ავრცელებს.
არასამთავრობო ორგანიზაცია „ადამიანის უფლებათა ცენტრი“ საგამოძიებო უწყებების მხრიდან მარნეულში არასრულწლოვანის გაუპატიურების შემთხვევის არაეფექტურ გამოძიებაზე საუბრობს. კერძოდ, საუბარია 8 ივლისს მომხდარ 16 წლის გათხოვილი, ორსული გოგონას გაუპატიურებაზე. მისი ოჯახის წევრების ცნობით, გოგონაზე ოჯახის ნათესავმა და მეზობელმა, 47 წლის მამაკაცმა დანის მუქარით იძალადა.
საკონსტიტუციო სასამართლოს თავმჯდომარის, გიორგი პაპუაშვილის საჯარო განცხადების შემდეგ, რომ მოსამართლეებზე ზეწოლა ხორციელდება, პოლიტიკური ძალების მხრიდან ურთიერთ-ბრალდებები გრძელდება. როგორც ოთხშაბათს პარლამენტში გამართულ პრესკონფერენციაზე საპარლამენტო უმრავლესობის წარმომადგენლებმა, გია ვოლსკიმ და ეკა ბესელიამ განაცხადეს, “ქართული ოცნების“ შეფასებით, სასამართლოში “ნაციონალური მოძრაობა” საკონსტიტუციო რევოლუციის მოწყობას ცდილობდა. “საკონსტიტუციო სასამართლოს ხუთმა წევრმა დაადასტურა, რომ საქმეთა განხილვის დროს ადგილი ჰქონდა კანონდარღვევებს – კერძოდ, … Read more
21 ივლისს ქუთაისი-სამტრედიის გზაზე მომხდარი ავარიის შედეგად დაშავებული მორაგბის, ეროვნული ნაკრების წევრის, მერაბ კვირიკაშვილის მეუღლე ანი ბუაძე კვირას საავადმყოფოში გარდაიცვალა. რაც შეეხება, კიდევ ორ დაშავებულს – საქართველოს ჩემპიონის, “ლელოს” მორაგბე გიორგი ლომინაძისა და მისი მეუღლის მდგომარეობას, კვლავ სტაბილურად მძიმეა. ისინი რეანიმაციულ განყოფილებაში მართვით სუნთქვის აპარატზე არიან შეერთებულნი. ამის შესახებ, საქართველოს რაგბის კავშირში აცხადებენ.
