4-პარტიული ახალ გაერთიანებას „პაატა ბურჭულაძე – მოძრაობა სახელმწიფო ხალხისთვის“, ბევრი სხვა ექსპერტის მსგავსად, მექანიკურ გაერთიანებად აფასებს კავკასიის კვლევითი რესურსების (CRRC) ცენტრის დირექტორი კობა თურმანიძე, რომლის თქმით, მკვლევარისთვისაც რთულია გაარკვიოს, რა საერთოა ამ ახალ ბლოკში შემავალ პარტიებს შორის, როგორ მონახავენ ისინი საერთო ენას და საერთო პროგრამით როგორ გამოვლენ.
საქართველოს ყოფილი პირველი ლედი სანდრა რულოვსი მომავალ საპარლამენტო არჩევნებში ზუგდიდში „ნაციონალური მოძრაობის“ მაჟორიტარი დეპუტატობის კანდიდატად იყრის კენჭს. ამის შესახებ, თავად რულოვსმა, პარასკევს, ზუგდიდის რაიონის სოფელ კორცხელში ადგილობრივ მოსახლეობასთან შეხვედრისას განაცხადა.
პაატა ბურჭულაძის საარჩევნო ბლოკს გუშინ „ვაშაძე–ჯაფარიძე–ახალი არჩევანი“ შეუერთდა და შეიქმნა ახალი პლატფორმა სახელწოდებით – „პაატა ბურჭულაძე – მოძრაობა სახელმწიფო ხალხისთვის”, რომლის ლიდერი და პირველი ნომერი მსოფლიო ბანი იქნება. ამავე დროს, საარჩევნო სიის დიდი ნაწილი სწორედ ბურჭულაძის პარტიის წევრებით დაკომპლექტდება.
მძღოლებს, სურვილის შემთხვევაში, საკუთარი ავტომანქანის რადიაციულ დაბინძურებაზე შემოწმება შეუძლიათ. ეს მომსახურება გარემოსა და ბუნებრივი რესურსების დაცვის სამინისტროს ბირთვული და რადიაციული უსაფრთხოების სააგენტოში ოთხშაბათიდან, 17 აგვისტოდან დაინერგა და, ძირითადად, იაპონიიდან შემოყვანილ ავტომანქანებს ეხება.
ნინო ბურჯანაძე 18 აგვისტოს მოსკოვიდან დაბრუნდა და როგორც თავად განაცხადა, რუსეთის დედაქალაქში სახელმწიფო დუმის თავმჯდომარეს და გადაწყვეტილების ერთ–ერთ მიმღებ პირს, სერგეი ნარიშკინს შეხვდა. მთავარი განსახილველი საკითხი კი მის ინიციატივას – უბლოკო სტატუსს ეხებოდა.
პროკურატურა რამდენიმე დღის წინ ინტერნეტსივრცეში პატიმართა წამების ამსახველი კადრების გავრცელებასთან და ასევე 2012 წლის 1 ოქტომბრამდე ციხეებში პატიმრების ცემა–წამებასთან დაკავშირებით განცხადებას ავრცელებს.
სოფელ დაფნარში გარდაცვლილი 22 წლის დემურ სტურუას მშობლები ორშაბათს, ახალგაზრდას თვითმკვლელობიდან ერთი კვირის შემდეგ, სამტრედიის რაიონულ პროკურატურაში დაკითხეს. გამოძიება გარდაცვლილის მიერ დატოვებული წერილით დაინტერესდა, რომელშიც წერია, რომ თვითმკვლელობა გაუსაძლისმა შანტაჟმა აიძულა.
თბილისის საერთაშორისო აეროპორტში ახალი ტერმინალის მშენებლობა, რომლის დასრულების შემდეგაც ის წელიწადში 3,5 მილიონ მგზავრს მოემსახურება, გეგმის მიხედვით მიმდინარეობს, უთხრეს DFWatch-ს აეროპორტის საზოგადოებასთან ურთიერთობის სამსახურში და აღნიშნეს, რომ ამ ეტაპზე საძირკვლის ჩაყრის სამუშაო მიდის.
ბათუმში წვიმამ გადაიღო და შტორმის დონემ საგრძნობლად დაიკლო, თუმცა სანაპიროებზე წითელი ალმები შენარჩუნდა, რაც იმას ნიშნავს, რომ კვირის 4–ბალიანი შტორმის შემდეგ ზღვაზე ბანაობა ორშაბათსაც აკრძალულია.
აჭარის ავტონომიური რესპუბლიკის ყოფილ მეთაურს (1991-2004 წლებში) ასლან აბაშიძეს, რომელიც „ვარდების რევოლუციის“ შემდეგ, 2004 წლის 6 მაისს საპროტესტო გამოსვლების შედეგად რუსეთში გაიქცა, ბათუმის საქალაქო სასამართლომ 15 წლით თავისუფლების აღკვეთა მიუსაჯა 25 წლის წინანდელი გახმაურებული მკვლელობისა და სხვა დანაშაულისთვის.