მსოფლიოში აღიარებული ოპერის მომღერალი, „საქართველოს განვითარების ფონდის“ დამფუძნებელი პაატა ბურჭულაძე პოლიტიკაში მიდის. ამასთან დაკავშირებით პაატა ბურჭულაძე განცხადებას ავრცელებს, სადაც ნათქვამია, რომ პოლიტიკურ მოძრაობას „სახელმწიფო ხალხისათვის“ იწყებს.
ისრაელის პოლიციაში დაკითხეს ბრიგადის ყოფილი გენერალი, რომელიც საქართველოს თავდაცვის ექსმინისტ დავით კეზერაშვილის მოქრთამვაშია ეჭვმიტანილი, ამის შესახებ ინფორმაციას გამოცემა Haaretz ავრცელებს.
ცესკოს ა/ო „სამართლიანი არჩევნები“ ბიუჯეტის არამიზნობრივ ხარჯვაში ადანაშაულებს. ორგანიზაციის ანგარიშის მიხედვით, ცესკო-ს ხელმძღვანელი პირებისა და წევრების მიერ მიღებული პრემიებისა და დანამატების ჯამური რაოდენობა ხელფასებს უტოლდება, რიგ შემთხვევებში 200%-საც კი აღემატება და ეს სისტემური პრობლემაა.
გორის მუნიციპალიტეტის სოფელ ატენში, ორშაბათს, ფაშიზმზე გამარჯვების 71-ე წლისთავთან დაკავშირებით დადგმული სტალინის ბიუსტი, რომელსაც გვიან ღამით საღებავი გადაასხეს, გორის გამგეობის კეთილმოწყობის სამსახურმა დემონტაჟი ჩაუტარა.
პრეზიდენტ გიორგი მარგველაშვილის განცხადებით, მომავალი საპარლამენტო არჩევნები 8 ოქტომბერს ჩატარდება, წინასაარჩევნო კამპანია კი ოთხი თვით ადრე, 8 ივნისს დაიწყება.
„რესპუბლიკელები“ თამაზ მეჭიაურის პარტიიდან გარიცხვას ითხოვენ, რადგან თვლიან, რომ დეპუტატის ევროატლანტიკური კურსის საწინააღმდეგო განცხადებებით პარტიას დაღუპავს. მეჭიაური კი ასეთ პირობას აყენებს: თუ რესპუბლიკელი მინისტრები, თინა ხიდაშელი და პაატა ზაქარეიშვილი თანამდებობას დატოვებენ, თავადაც წავა „ქართული ოცნებიდან“.
მთავარი პროკურორის ირაკლი შოთაძის განცხადებით, ბოლო დროს გავრცელებული პირადი ცხოვრების ამსახველი კადრების საქმეზე გამოძიებას ბრალდებული არ ჰყავს.
იმ შემთხვევაში, თუ სასამართლო “კაბელების საქმეზე” გამამტყუნებელ განაჩენს, გამოიტანს, ირაკლი ალასანია საპროტესტო აქციებით იმუქრება და დაიწყებს მომხრეების მობილიზებას ბიძინა ივანიშვილის “არაფორმალური მმართველობის” წინააღმდეგ, მათ შორის – ფიზიკურადაც.
7 მაისს, შაბათს 13 საათზე 24 არასამთავრობო ორგანიზაცია და რამდენიმე ოპოზიციური პარტია ექსპრემიერ ივანიშვილის წინააღმდეგ საპროტესტო აქციას გეგმავს კოჯრის გზატკეცილზე, ტელეკომპანია GDS-თან, იქ, სადაც „პანორამა თბილისის“ მშენებლობა მიმდინარეობს.
პრეზიდენტის პოლიტიკური მრჩევლის ფიქრია ჩიხრაძის განცხადებით, ჯერ კიდევ არ გადაწყვეტილა, როდის გამოსცემს გიორგი მარგველაშვილი არჩევნებთან დაკავშირებით ახალ განკარგულებას. მიუხედავად იმისა, რომ 14 აპრილს პრეზიდენტმა განაცხადა, რომ ამას მაისის დასაწყისში გააკეთებდა.