ამბები

„ცენტრ-პოინტის“ საქმის ფინალი – 4 წლიანი პატიმრობა კერვალიშვილსა და რჩეულიშვილს

by | March 31, 2017

4-4  წლიანი პატიმრობა რუსუდან კერვალიშვილსა და მაია რჩეულიშვილს - ასე დასრულდა რამდენიმეთვიანი სასამართლო დავა „ცენტრ-პოინტის“ დამფუძნებლებსა და დაზარალებულებს შორის. გადაწყვეტილება საქალაქო სასამართლომ დღეს გამოაცხადა და რუსუდან კერვალიშვილი სასამართლო დარბაზშივე დააკავეს. პატომრობაშია მაია რჩეულიშვილის ვაჟი გუკა რჩეულიშვილიც. მათ ბრალად ედებათ თაღლითობა, მითვისება, ასევე უკანონო შემოსავლის ლეგალიზაცია და შენიღბვა, რასაც თან ახლდა განსაკუთრებით დიდი ოდენობით შემოსავლის მიღება - 11 მილიონ ლარზე მეტი. საქმე რამდენიმე ობიექტს, მათ შორის „ცენტრ-პოინტ ინვესტის“, „ცენტრ-პოინტ კრწანისის“, „ცენტრ-პოინტ სიტისა“ და შპს „მზიური ველის“ ეპიზოდებს ეხებოდა. ღია სასამართლო სხდომებზე, ბრალდებულებმა თავი დამნაშავედ არ სცნეს. „განაჩენი შეიძლება გასაჩივრდეს გამოცხადებიდან ერთ თვეში, თბილისის სააპელაციო სასამართლოს სისხლის სამართლის საქმეთა პალატაში თბილისის საქალაქო სასამართლოს სს საქმეთა კოლეგიის მეშვეობით”, - ნათქვამია თბილისის საქალაქო სასამართლოს მიერ გავრცელებულ განცხადებაში. აღსანიშნავია, რომ ბრალდებულები გადაწყვეტილების გასაჩივრებას აპირებენ. პროკურატურამ მაია რჩეულიშვილსა და რუსუდან კერვალიშვილს საპროცესო შეთანხმების გაფორმება კიდევ ერთხელ შესთავაზა.  ოღონდ იმ პირობით, თუ ისინი 6 ათასივე დაზარალებულს ზიანს აუნაზღაურებენ და ყველა ობიექტის მშენებლობას დაასრულებენ.  პროკურორის ინფორმაციით, აღნიშნული პირობით საპროცესო შეთანხმების გაფორმებას გამოძიებისა და სასამართლო განხილვის ეტაპზეც სთავაზობდნენ, თუმცა ბრალდებულებმა ეს შესაძლებლობა არ გამოიყენეს.

ამბები

საგზაო წესები მკაცრდება, 100-ქულიანი სისტემა შემოდის

by | March 31, 2017

ავტოსაგზაო შემთხვევების ზრდის ფონზე მთავრობა საგზაო მოძრაობის წესებს ამკაცრებს. შესაბამისი კანონპროექტი პარლამენტში პირველი მოსმენით უკვე განხილულია. როგორც შინაგან საქმეთა სამინისტროში აცხადებენ, პარლამენტი ცვლილებას აპრილში მიიღებს. მთავრობის მიერ ინიცირებული კანონპროექტი შსს-ის მიერ არის მომზადებული. ის ადმინისტრაციული პასუხისმგებლობის გამკაცრებას და მართვის მოწმობაზე 100-ქულიანი სისტემის შემოტანას ითვალისწინებს. კერძოდ, ინიცირებული კანონპროექტი ითვალისწინებს შემდეგს: მართვის მოწმობაზე 100-ქულიანი სისტემა შემოდის, რომელიც საგზაო მოძრაობის უსაფრთხოებაში პრევენციული კომპონენტის გაძლიერებას ემსახურება. კერძოდ, მართვის მოწმობას ენიჭება 100 ქულა, რომელსაც თითოეული ადმინისტრაციული სამართალდარღვევის შედეგად შესაბამისი ქულები აკლდება. წლის განმავლობაში ქულების განულება მართვის უფლების შეწყვეტას გამოიწვევს, რომლის დასაბრუნებლადაც პირს მართვის მოწმობაზე გამოცდის ხელახლა ჩაბარება 2 თვის შემდეგ შეეძლება. აღსანიშნავია, რომ მძღოლებს მომდევნო წლის პირველ იანვარს ქულები 100-მდე შეევსება. ამასთან, ქულათა შემცირების წესი არ გავრცელდება ვიდეოფირზე ან ფოტოფირზე დაფიქსირებულ ადმინისტრაციული სამართალდარღვევების შემთხვევაში. ეს პრინციპი ვრცელდება როგორც საქართველოში, ისე უცხოეთში გაცემულ მართვის მოწმობაზე. მანქანის ალკოჰოლური სიმთვრალის მდგომარეობაში მართვისას ადმინისტრაციული პასუხისმგებლობის შემამსუბუქებელი გარემოებების გამოვლენისას, მართვის უფლების შეჩერების სანაცვლოდ 700 ლარის ოდენობის ჯარიმის გადახდა პირს სამართალდარღვევის ჩადენიდან 3 თვის შემდეგ შეეძლება. დღეს მოქმედი ნორმით კი ჯარიმა მძღოლმა დაუყოვნებლივ უნდა გადაიხადოს. მექანიკური სატრანსპორტო საშუალების მართვის დროს მძღოლის მიერ მობილური ტელეფონით სარგებლობაზე ჯარიმა 10-დან 30 ლარამდე იზრდება. გაიზრდება, აგრეთვე, შემხვედრი სატრანსპორტო ნაკადის გამყოფი ...

ამბები

ღია საზოგადოების ფონდების განცხადება უნგრეთის მთავრობის ინიციატივაზე

by | March 30, 2017

უნგრეთის მთავრობა უმაღლესი განათლების კანონში ცვლილებების შეტანის ინიციატივით გამოდის, რომელიც საფრთხეს შეუქმნის ცენტრალური ევროპული უნივერსიტეტის არსებობას ქვეყანაში. ახალმა ინიციატივამ შესაძლოა, ასევე ხელი შეუშალოს საერთაშორისო ორგანიზაციების მუშაობას უნგრეთში. ამასთან დაკავშირებით ღია საზოგადოების ფონდებმა მიმართვა გაავრცელა, რომელიც DFWatch-ს ხუთშაბათს "ღია საზოგადოება - საქართველომ" მიაწოდა. შეგახსენებთ, რომ დღეისათვის, საქართველოში ევროპის ცენტრალურ უნივერსიტეტის 300-მდე კურსდამთავრებულია.  საქართველოდან პირველი ექვსი სტუდენტი ევროპის ცენტრალურ უნივერსიტეტში 1993 წელს მიიღეს. ღია საზოგადოების ფონდები ბუდაპეშტის მთავრობის ინიციატივას ეხმაურება: უნგრეთის მთავრობის  ინიცირებული კანონპროექტი უშუალოდ ცენტრალური ევროპის უნივერსიტეტის წინააღმდეგ არის მიმართული. იგი ემსახურება აკადემიური თავისუფლების ჩახშობას კერძო უნივერსიტეტში, რომელიც შემოწირულობით დაფინანსების მიუხედავად, აკადემიური დამოუკიდებლობით გამოირჩევა.  ნებისმიერი სამართლებრივი ზომა, რაც შეზღუდავს ცენტრალური ევროპის უნივერსიტეტის მუშაობას ბუდაპეშტში,  მოშლის უნგრეთის ინსტიტუტებთან და საზოგადოებასთან თანამშრომლობის სტრუქტურას  და  დააზიანებს უნგრეთის, როგორც ინოვაციების, აკადემიური წარმატებისა და სამეცნიერო კვლევების ცენტრის რეპუტაციას. როგორც მთავრობამ განაცხადა, ის ასევე გეგმავს საერთაშორისო ორგანიზაციებიდან დაფინანსებული არასამთავრობო ორგანიზაციების წინააღმდეგ მიმართული კანონის მიღებას, რაც ნიშნავს რიგითი უნგრელების ხმის გაქრობას განათლების, ჯანდაცვის, ანტიკორუფციული მიმართულების ინიციატივებიდან. აკადემიურ თავისუფლებასა და სამოქალაქო საზოგადოებაზე თავდასხმა, პირველ რიგში, უნგრეთის რიგით მოქალაქეებს დააზარალებს.    ჯორჯ სოროსმა ღია საზოგადოების ფონდი უნგრეთში 1984 წელს დააარსა, რითიც ხელი შეუწყო არა მარტო უნგრეთის, არამედ მთელი აღმოსავლეთ ევროპის კომუნიზმიდან დემოკრატიაზე გადასვლას. ცენტრალური ევროპის უნივერსიტეტი 1991 წელს შეიქმნა. ამჟამად, ...

ამბები

საქართველო პოლიეთილენის პარკებთან ბრძოლას იწყებს

by | March 30, 2017

სექტემბრიდან საქართველო იმ ქვეყნების რიცხვს უერთდება, სადაც პოლიეთილენის პარკების გამოყენება შეზღუდული, ან საერთოდაც აკრძალულია. 

ამბები

მარიხუანასთან დაკავშირებული სანქციები შემსუბუქდება

by | March 29, 2017

საქართველო მარიხუანას შეძენა-შენახვა-მოხმარებაზე სანქციებს ამსუბუქებს, თუმცა მისი სრული დეკრიმინალიზაცია არ ხდება

ძიება თარიღის მიხედვით

March 2017
M T W T F S S
« Feb   Apr »
 12345
6789101112
13141516171819
20212223242526
2728293031  
ads
ads
ads
ads