ამბები

დეკანოზს ბრალი არა პატრიარქის, არამედ შორენა თეთრუაშვილის მოწამვლის მცდელობაზე წაუყენეს? (ვერსია)

by | February 15, 2017

„ციანიდის საქმეში“ ახალი ვერსია გაჩნდა - ადვოკატი მამუკა ნოზაძე ამტკიცებს, რომ დეკანოზ გიორგი მამალაძეს ოფიციალურად ბრალი არა პატრიარქის, არამედ მისი მდივან-რეფერენტის შორენა თეთრუაშვილის მოწამვლის მცდელობაში ედება.

ამბები

რესპუბლიკელები: საპატრიარქოში ტახტისთვის ორი ძალა იბრძვის

by | February 15, 2017

რესპუბლიკური პარტიის თავმჯდომარე ხათუნა სამნიძე საპატრიარქოში ტახტისათვის გამართულ ბრძოლაზე საუბრობს და აცხადებს, რომ ერთმანეთს ორი ძალა უპირისპირდება - მიტროპოლიტ დიმიტრი შიოლაშვილის და მეუფე იაკობის. ეს უკანასკნელი კი, სამნიძის ინფორმაციით, ხელისუფლებასთან, კერძოდ კი პრემიერ-მინისტრთან დაახლოებული პირია და ამით, ნათლად იკვეთება ხელისუფლების ინტერესები ეკლესიაზე ზეგავლენის მოპოვებისა. აღნიშნულ თემას რესპუბლიკურ პარტიაში სპეციალური ბრიფინგი მიუძღვნეს, სადაც სამნიძემ აღნიშნა, რომ სწორედ მიტროპოლიტ დიმიტრი შიოლაშვილის წრიდანაა დაკავებული დეკანოზი გიორგი მამალაძე  და ეს, მისი თქმით, მნიშვნელოვან ტენდენციას უსვამს ხაზს. ხოლო ის ფაქტი, რომ მეუფე იაკობი პრემიერთან დაახლოებული პირია, სამნიძის აზრით, ლოგიკურად ხსნის გიორგი კვირიკაშვილის განცხადების მოტივს, რომელმაც „უდანაშაულობის პრეზუმფცია დაარღვია“ და დეკანოზი ფაქტობრივად დამნაშავედ წარმოაჩინა. „ხელისუფლება პირდაპირ ღიად იკავებს ერთ მხარეს და გამოძიებას არ ელოდება... ეს კიდევ ერთხელ ადასტურებს, რამდენად დამახინჯებულია ურთიერთობა ეკლესიასა და სახელმწიფოს შორის, რაც აუცილებლად გამიჯნული უნდა იყოს," - განაცხადა ხათუნა სამნიძემ. „რესპუბლიკელები“ მოითხოვენ, მთავრობამ დაუყოვნებლივ გადახედოს  საპატრიარქოს დაფინანსების წესს.

ამბები

წერილი, რომელმაც “ციანიდის საქმეში” მეტი კითხვა გააჩინა

by | February 14, 2017

მაღალი იერარქიის სასულიერო პირის მოწამვლის მცდელობისათვის დაკავებული მამა გიორგი მამალაძე რამდენიმე თვის წინ პატრიარქს იმ უკანონობაზე აწვდიდა ინფორმაციას, რაც, მისი თქმით, საპატრიარქოს ქონებასთან დაკავშირებით ხდებოდა. წერილის აუთენტურობა, რომელიც ტელეკომპანია „რუსთავი 2“-მა გაავრცელა, ჯერ დადასტურებული არაა. თუმცა, სავარაუდოდ, მასში დეკანოზი ილია მეორის სხვადასხვა დარღვევაზე აფრთხილებდა. მასში ნათქვამია, რომ დეკანოზი გიორგი მამალაძე, რომელიც იმ დროისათვის  საპატრიარქოს ქონების მართვის სამსახურის უფროსი იყო, ამ ყველაფრის გახმაურებას ჯერ კიდევ  2015 წლის დეკემბრის სინოდის სხდომაზე გეგმავდა, მაგრამ „გარკვეულმა ჯგუფმა“ ამის საშუალება არ მისცა.  მოგვიანებით იგი დაკავებული თანამდებობიდან განთავისუფლდა და ქონების მართვის სამსახურის უფროსის მოადგილედ დაინიშნა. წერილში მამა გიორგი მამალაძე ეკლესიის ქონების გარშემო შექმნილ სიტუაციას სავალალოს უწოდებს და ამის დასადასტურებლად არაერთი მაგალითი მოჰყავს. მისი ინფორმაციით, საპატრიარქოს 100% წილით დაფუძნებული ორგანიზაციების სიაში აღმოჩნდა კერძო შპს-ები, რომლებიც წლებია სხვადასხვა საქმიანობას ეწევიან. მაგალითად, ნავთობპროდუქტების შემოტანა-რეალიზაცია-გადამუშავებას, არალეგალური ტექნიკური სპირტის წარმოებას, სამშენებლო საქმიანობას; ასევე, არასამეწარმეო არამომგებიანი იურიდიული ორგანიზაციები (ააიპ), რომლებიც „კანონის უხეში დარღვევით ეწევიან სამეწარმეო საქმიანობას“. იგი ყურადღებას ამახვილებს ეკლესიის მფლობელობაში არსებულ მიწებზეც, რომელიც, მისივე თქმით, დატაცებულია. ასევე, საპატრიარქოს კლინიკაზე, სადაც ფინანსური შემოწმების შედეად 5 მილიონ ლარამდე დავალიანება იქნა აღმოჩენილი, რაც, დეკანოზის ინფორმაციით, კრიმინალის ნიშნებს შეიცავს.  აქვე იმასაც დასძენს, რომ ამ ინფორმაციის გახმაურება მას საპატრიარქოს საფინანსო საბჭოს ...

ამბები

ბრიტანეთი უკრაინის მხარდასაჭერად შავ ზღვაში უახლეს ნაღმოსანს აგზავნის

by | February 13, 2017

პირველად ცივი ომის შემდეგ ბრიტანეთის სამხედრო ფლოტი შავ ზღვაში სამხედრო მისიას ასრულებს. „დეილი მეილის“ ცნობით, ამ მისიის მიზანი რუსეთის შეკავება და კიევის მხარდაჭერაა, სადაც გაერთიანებული სამეფოს 650 სამხედრო მოსამსახურე „საიდუმლო წვრთნებს ატარებს.“ საუბარია 207 წელს გამოშვებულ უახლეს ესკადრის ნაღმოსან HMS Diamond-ზე, რომელიც ანტისაჰაერო და ანტისაზღვაო მძლავრი სარაკეტო კომპლექსებით არის აღჭურვილი. „ბრიტანეთი აძლიერებს თავის სამხედრო დასწრებას მსოფლიო არენაზე და მტკიცედ დგას თავისი უკრაინელი მეგობრების გვერდით,“ უთხრა გამოცემას ბრიტანეთის თავდაცვის მდივანმა, სერ მაიკლ ფალონმა. „გაერთიანებული სამეფო აგზავნის მკაფიო მესიჯს, რომ ჩვენ მყარად გვაქვს გადაწყვეტილი დემოკრატიის დაცვა მთელ მსოფლიოში და უკრაინის სუვერენიტეტის, დამოუკიდებლობისა და ტერიტორიული მთლიანობის მხარდაჭერა.“ ამის პარალელურად ბრიტანეთი აძლიერებს სახმელეთო ძალებს აღმოსავლეთ ევროპაში. ზაფხულში ესტონეთში 800 სამხედრო განთავსდება, პოლონეთში კი დამატებით 200. შეგახსენებთ, რომ დონბასში ვითარების გამწვავების პარალელურად უკრაინის მთავრობა აცხადებს, რომ პირდაპირი რუსული აგრესია „ყოველ წუთს არის მოსალოდნელი.“

ძიება თარიღის მიხედვით

February 2017
M T W T F S S
« Jan    
 12345
6789101112
13141516171819
20212223242526
2728  
ads
ads
ads
ads