ამბები

პარლამენტის ვიცე-სპიკერი ამტკიცებს, რომ პრეზიდენტის მიმართ არაკორექტული განცხადება “ოფიციალური კომენტარი” არ იყო

by | Jul 26, 2016

manana_kobakhidzeპარლამენტის ვიცე-სპიკერი მანანა კობახიძე ორშაბათს პრეზიდენტის მისამართით გაკეთებული არაკორექტული განცხადების გასაჯაროვების გამო ჟურნალისტებს ჟურნალისტური სტანდარტისა და ეთიკის დარღვევაში ადანაშაულებს.

„ეს არ იყო ოფიციალური კომენტარი, ეს იყო ჩვეულებრივი, ადამიანთან გაკეთებული კომენტარი. მაგრამ, როგორც ჩანს, როცა თქვენ გესაუბრებით, უნდა ჩავთვალო, რომ მიკროფონს ვესაუბრები და არა ადამიანებს,” –  ასე მიმართა მანანა კობახიძემ ჟურნალისტებს განაცხადების გავრცელების მეორე დღეს, სამშაბათს.

საკონსტიტუციო სასამართლოს მოსამართლეებსა და საკუთარი ოჯახის წევრზე განხორციელებულ ზეწოლასთან დაკავშირებით პრეზიდენტის მიერ ორშაბათს, 25 ივლისს გაკეთებული განცხადების შეფასებისას, მანანა კობახიძემ თქვა, რომ მისი შთაბეჭდილებით, გიორგი მარგველაშვილს ბრიფინგზე ალკოჰოლის ზედმეტი დოზა ჰქონდა მიღებული და მისთვის გაუგებარ რაღაცეებს საუბრობდა. მისი ეს განცხადება „რუსთავი 2“-მა გაავრცელა, სადაც კადრში კობახიძე კითხულობს, იწერება თუ არა მისი განცხადება და ოპერატორისგან დადებით პასუხს იღებს კიდეც.

თანაც, შემდეგ კობახიძე საკუთარი „ფეისბუქის“ გვერდზე დებს ამ ვიდეოკადრს მინაწერით, რომ ეს იყო ეთერს მიღმა, მისი სრულიად გულწრფელი კომენტარი. სამშაბათს, მეორე დღეს კი, ჟურნალისტებს ადანაშაულებს ეთიკის დარღვევაში.



ads
ads
ads

No Comments, Leave a comment

You must be logged in to post a comment.

ძიება თარიღის მიხედვით

September 2016
M T W T F S S
« Aug    
 1234
567891011
12131415161718
19202122232425
2627282930