ამბები

ცხინვალის რეჟიმი ახალგორში საბაჟოს ხსნის

by | Nov 3, 2017

სამხრეთ ოსეთის დე ფაქტო ხელისუფლება ახალგორის რაიონში საბაჟო პუნქტს ხსნის, რომ თბილისიდან შეტანილ ნებისმიერ პროდუქტზე გადასახადი დააწესოს.

2 ოქტომბერს გამართულ პრესკონფერენციაზე ცხინვალის რეჟიმის საბაჟო კომიტეტის ხელმძღვანელმა მურატ ცხოვრებოვმა განაცხადა, რომ საბაჟო ახალგორში არსებულ „რაზდახანის“ გამშვებ პუნქტზე იმუშავებს, რისი მიზანიცაა საქართველოდან შესული საქონლის ხარისხისა და მოცულობის გაკონტროლება.

ახალგორის მცხოვრებლებს ე.წ. საზღვარზე მაქსიმუმ 50 კილოგრამი ტვირთის გადატანის უფლება აქვთ. აქამდე ტვირთის ოდენობას ზედაპირული დაკვირვებით განსაზღვრავდნენ, მალე კი ტვირთს „მებაჟე“ შეამოწმებს, აწონის და მისი მფლობელი ბაჟსაც გადაიხდის. გადასახადის ოდენობა ჯერ უცნობია.

აღსანიშნავია, რომ ოკუპირებული ცხინვალის რეგიონში თბილისიდან ხილი, ბოსტნეული და მწვანილი ჩააქვთ და იქ უფრო მაღალ ფასში იყიდება. უფრო მეტიც, თბილისიდან ჩატანილი სასოფლო-სამეურნეო პროდუქცია იყიდება ვლადიკავკაზშიც. ახალგორში შეტანილი პროდუქტი „ოფიციალურად“ არ იბეგრება, თუმცა ყველა ის ადამიანი, ვისაც სავაჭროდ მიაქვს ტვირთი, „საზღვარზე“ არაოფიციალურად იხდის ფულს.



ads
ads
ads

No Comments, Leave a comment

You must be logged in to post a comment.

ძიება თარიღის მიხედვით

September 2018
M T W T F S S
« Aug    
 12
3456789
10111213141516
17181920212223
24252627282930