ამბები, ამბები-ძველი, უმცირესობები, უმცირესობები-ძველი

საქართველო რელიგიურ საკითხთა უწყებას ქმნის

by | Feb 19, 2014
paata zakareishvili

შერიგებისა და სამოქალაქო თანასწორობის მინისტრი პაატა ზაქარეიშვილი. (ინტერპრესნიუსი.)

სახელმწიფო ახალი ორგანოს შექმნას გეგმავს, რომელიც რელიგიურ საკითხებზე იმუშავებს.

შერიგებისა და სამოქალაქო თანასწორობის საკითხების მინისტრმა, პაატა ზაქარეიშვილმა სამშაბათს განაცხადა, რომ ახალი ორგანო განახორციელებს სახელმწიფოს ახალ ინიციატივას, რომლის მიხედვითაც ქვეყნის ბიუჯეტიდან, მართლმადიდებლური ეკლესიის გარდა, კიდევ ოთხი რელიგიური კონფესია დაფინანსდება.

„ასეთი ორგანო საქართველოში აქამდე არ არსებობდა“ თქვა ზაქარეიშვილმა „აუცილებელია, არსებობდეს ორგანო, რომელიც რელიგიურ საკითხებზე სისტემატურად იმუშავებს.“

მინისტრმა მაგალითად მოიყვანა სოფლების, ჭელასა და წინწყაროს მაგალითები, სადაც ადგილობრივ მოსახლეობას ჰქონდა ლოცვასთან და მეჩეთზე მინარეთის დამონტაჟებასთან დაკავშირებული პრობლემები.

სამინისტრომ ამ საკითხებზე მუშაობა მხოლოდ მას შემდეგ დაიწყო, რაც ინციდენტები მოხდა. მინისტრმა განმარტა, რომ თუ იარსებებს ორგანო, რომელიც კონკრეტულად რელიგიურ საკითხებზე იმუშავებს, საქმიანობა გაცილებით ეფექტური იქნება.

„მრავალი საკითხია რელიგიურ ჯგუფებთან დაკავშირებით, როგორიცაა საკუთრების უფლება, განათლება და დაფინანსება,“ თქვა ზაქარეიშვილმა.

აღნიშნული უწყება პრემიერ-მინისტრის ოფისს დაექვემდებარება და მისი ხელმძღვანელი პრემიერი ირაკლი ღარიბაშვილი იქნება.



ads
ads
ads

No Comments, Leave a comment

You must be logged in to post a comment.

ძიება თარიღის მიხედვით

August 2017
M T W T F S S
« Jul    
 123456
78910111213
14151617181920
21222324252627
28293031