ამბები

კრასნოდარის სასამართლომ უხუცესის განაჩენი ძალაში დატოვა, ჩერქეზი აქტივისტები პოლიციამ ქალაქში არ შეუშვა

by | Oct 16, 2017

კრასნოდარის სამხარეო სასამართლომ 16 ოქტომბერს ძალაში დატოვა აგვისტოში მიღებული გადაწყვეტილება 67 წლის ჩერქეზი უხუცესისა და აფხაზეთის „გმირად“ შერაცხული რუსლან გვაშევის 10 ათასი რუბლით დაჯარიმებაზე. 

16 ოქტომბრის სასამართლო სხდომა მხოლოდ 27 წუთი გაგრძელდა და მან ძალაში დატოვა გვაშევის 10 ათასი რუბლით დააჯარიმეს გადაწყვეტილება. სასამართლოში ჯანმრთელობის მძიმე მდგომარეობის გამო არ გამოცხადებულა თავად გვაშევი. კრასნოდარში არ შეუშვეს მისი მხარდამჭერი კავკასიელების ჯგუფი, რომლებიც პროცესზე დასწრებას გეგმავდნენ.

(თავად გვაშევი ეთნიკურად შაფსუღია. შაფსუღები ადიღე ერთობის პატარა სუბ-ეთნოსია, რომელშიც ასევე შედიან საკუთრივ ადიღები, ჩერქეზები და ყაბარდოელები, თუმცა მათ ყველას ხშირად ზოგადად „ჩერქეზებად“ მოიხსენიებენ. უფრო ფართო თვალსაზრისით ამავე ერთობის ერთგვარ ნაწილად აღიქმებიან აფხაზებიც, რომელთა ენაც ჩერქეზულის მონათესავეა.)

ნალჩიკიდან კრასნოდარში დილით მიმავალი ჩერქეზების ჯგუფი რუსმა სამართალდამცველებმა ქალაქში შესვლამდე გააჩერეს, რამდენიმესაათიანი შემოწმების შემდეგ “მძღოლის უწესრიგობა” აღმოაჩინეს და მიკროავტობუსსა და აქტივისტებს კრასნოდარში შესვლის უფლება არ მისცეს. გვაშევის მხარდასაჭერად კი სასამართლოს წინ შეიკრიბა მხოლოდ მისი რამდენიმე მხარდამჭერი ჩერქეზი და გადაწყვეტილება გააპროტესტა.

რუსლან გვაშევი სასამართლომ 10 რუბლით დააჯარიმა 21 მაისს სოჭის მახლობლად პატარა სოფელ გოლოვინკაში 200 წლიანი ტიტას ხესთან სამგლოვიარო საჯარო ლოცვის გამო. ლოცვა მე-19 საუკუნეში რუსეთ-კავკასიის ომის დროს დაღუპული ჩერქეზების სულის მოსახსენებლად ტარდებოდა, რომელსაც ჩერქეზები ყოველი წლის 21 მაისს მართავენ. თუმცა წელს პირველად ეს ლოცვა რუსმა სამართალდამცველებმა დაშალეს. როგორც რუსული სასამართლო აცხადებს, ეს ლოცვა არასანქცირებული და ექსტრემისტული ხასიათის იყო.

ამ დაჯარიმების გამო გვაშევს შიმშილობაც ჰქონდა დაწყებული და მისი სარჩელის საბოლოო განხილვამდე და გამართლებამდე არც აპირებდა შეწყვეტას, მაგრამ კრასნოდარის სასამართლომ 5 ოქტომბერს ჩანიშნული სასამართლო 16 ოქტომბრამდე გადადო. გვაშევი კი შიმშილობის გამო უმძიმეს მდგომარეობაში იყო, რის გამოც 5 ოქტომბერს მან ჩერქეზი აქტივისტების დიდი თხოვნის გამო შიმშილობა 25-ე დღეს შეწყვიტა.

 



ads
ads
ads

No Comments, Leave a comment

You must be logged in to post a comment.

ძიება თარიღის მიხედვით

November 2017
M T W T F S S
« Oct    
 12345
6789101112
13141516171819
20212223242526
27282930