ამბები

ბათუმში 3 წლის უკრაინელი გოგონას გადარჩენისას ახალგაზრდა კაცი მძიმედ დაშავდა

by | Sep 22, 2016

batumiiiბათუმში, .ბენზეს დასახლებაში,  საოჯახო ტიპის სასტუმროს ეზოში მდებარე აუზში ოთხშაბათს დილით 11 საათზე  3 წლის გოგონა  ჩავარდა, მის დასახმარებლად კი აუზში მამა და 22 წლის მამაკაცი ჩავიდნენ,  რა დროსაც სამივე მათგანს დენმა დაარტყა.

მამა-შვილის დასახმარებლად აუზში ჩასული ახალგაზრდა მამაკაცი – ნიკა გოგრაჭაძე ადგილზე გამოძახებულ სასწრაფო დახმარების ბრიგადას  უგონო  მდგომარეობაში დახვდა. მისი მდგომარეობა ამჟამადაც მძიმეა. მამა-შვილი  შედარებით უკეთ არიან. სამივე მათგანი საავადმყოფოშია გადაყვანილი.

როგორც ბათუმის სასწრაფო სამედიცინო დახმარების ცენტრის დირექტორის მოვალეობის შემსრულებელმა, ბადრი პაქსაძემ განაცხადა, ელექტროტრამვის შედეგად 22 წლის მამაკაცი მძიმე მდგომარეობაშია, ბავშვის სიცოცხლეს კი საფრთხე აღარ ემუქრება.

„ისინი დროულად ამოიყვანეს აუზიდან, თუმცა 22 წლის მამაკაცი მძიმედ, უგონო მდგომარეობაში იყო, რომელიც გადაყვანილია რეფერალურ საავადმყოფოში, ხოლო ბავშვი შედარებით უკეთეს მდგომარეობაში იმყოფება და ბავშვთა საავადმყოფოშია მოთავსებული”, – განცხადა პაქსაძემ.

როგორც თვითმხილველები ყვებიან, დაშავებული მამა-შვილი უკრაინელი დამსვენებლები არიან. პატარა გოგონა 3 წლისაა. მათი თქმით, გოგონა შემთხვევით აუზში ჩავარდა, მის დახმარებას ჯერ მამა შეეცადა, მაგრამ ის ძალიან დაიბნა და ბავშვის ამოსაყვანად  აუზში უმალვე ნიკა გოგრაჭაძე ჩავიდა, რომელიც სასტუმროს მეპატრონის ახლო ნათესავია.

მათი თქმით, აუზიდან ელექტრომოწყობილობით წყლის ამოტუმბვა ხდებოდა. სწორედ ამ მოწყობილობიდან გადავიდა დენი წყალში.ა.

შინაგან საქმეთა სამინისტრომ მომხდარზე გამოძიება სს კოდექსის 229-ე პრიმა მუხლით დაიწყო, რაც ენერგორესურსით სარგებლობის წესების დარღვევას გულისხმობს.



ads
ads
ads

No Comments, Leave a comment

You must be logged in to post a comment.

ძიება თარიღის მიხედვით

May 2017
M T W T F S S
« Apr    
1234567
891011121314
15161718192021
22232425262728
293031